Onte 24: A Derrota de Galicia

Á mañá recibín un novo limiar para o que será A Derrota de Galicia, o libro de ensaio político, que publicaremos a comezos da vindeira primavera, no que Antón Baamonde reflexiona sobre a inexistencia na Galicia actual dun proxecto propio de modernización. Lin decontado o texto lúcido e duro de Baamonde, despois de ter revisado algúns dos comentarios que denuncian o expolio que supón valorar nun 6,87% a participación que a caixa terá no banco que ela mesmo creou. Non deixa de ser desacougante que para algúns medios e «comentaristas de referencia» a noticia non merecese mención. Outra proba desta desfeita enorme. Si, efectivamente, perder un instrumento financeiro propio, en clave de país, é outra derrota do proxecto de construción de Galicia como nación; un fracaso deste anémico goberno de Feijóo, mais tamén da oposición incapaz de ofrecer o entusiasmo dun programa alternativo. Á noite, abrindo a caixa de correo atopo razóns para a esperanza enviadas polo benquerido Agustín. Arnaldur Indridanson, o escritor islandés que lerá o discurso inaugural da Feira de Frankfurt 2012, na que o seu país será o convidado de honra, lembra que «a riqueza dunha nación non está na Bolsa. senón nos seus libros». Quen pode dicir, entón, que Galicia está derrotada?

3 comentarios
  1. arume dos piñeiros
    arume dos piñeiros Dice:

    Amigo Brétemas: o medio de referencia falou por boca da súa Redactora Xefa de Economía, a mesma que leva semanas e meses insultando a intelixencia de case toda Galicia (con vergonzosos ditirambos a quen poda corresponder), no día do sábado. Con este comentario que debe pasar con letras de ouro á antoloxía do xornalismo galego (ortografía aparte). Lelo provoca ulceracións:
    “A cabó el proceso de reestructuración del sistema financiero. Vamos, que el Banco de España acaba de liquidar las cajas a precios de saldo. ¿Qué no son saldos? Entonces explíquenme cómo NCG vale 181 millones si tiene casi el 50 % de la cuota en Galicia. ¡Qué pena no tener dinero!”, Sofía Vázquez.

    Responder

Trackbacks y pingbacks

  1. […] A Derrota de Galicia bretemas.blogaliza.org/2011/10/02/onte-24-a-derrota-de-galicia/  por raxozorza hai 1 segundos […]

Dejar un comentario

¿Quieres unirte a la conversación?
Siéntete libre de contribuir

Deixa unha resposta

O teu enderezo electrónico non se publicará