O sábado volveremos a Froxán á Festa da pisa e do abandoxado da castaña. Alí presentaremos a Fonte de esperante de Xesús Manuel Marcos. É unha das festas tradicionais máis auténticas e emocionantes que coñezo. Quen acorde acudir, non debe esquecer puchos e luvas. Paga verdadeiramente a pena.
A versión beta de Noxtrum, o novo buscador do Grupo Telefónica Internacional, está operativa. A verdade é que a procura na web é aínda frouxiña, porén cun pouco de paciencia en Local poden atoparse teléfonos, cifs e mapas (información incluída nas páxinas brancas e amarelas) e por cinco buscas, dáche dereito (por agora) a enviar […]
Aínda que sei que o debate aburre, por reiterado neste espazo, non me resisto a deixar de recomendar a lectura deste artigo do escritor vasco Pedro Ugarte sobre a gratuidade do libro escolar. Obrigado, Txetxu pola magnífica pista.
O meu amigo Valadés, sempre tan oportuno, envía por correo electrónico esta mañá un texto de Eduardo Galeano sobre a esperanza: … para min, a esperanza é unha cousa que teño cando me esperto, que perdo no almorzo, que recupero cando recibo o sol na rúa e que, logo de camiñar un intre, vólvelleme caer […]
No artigo da semana, a raíz da tramitación do anteproxecto da Lei do libro e da lectura, amplío a reflexión que fixera estes días sobre a conspiración lectora.
SUFRIDA EFICACIACon esta primeira volta xa moi avanzada, o Celta continúa mantendo a súa sufrida eficacia como mellor fórmula para saír adiante en Balaídos. Onte, o equipo habitual de Fernando Vázquez fixo, como adoita, unha magnífica primeira parte: goleou con beleza, controlou o manexo da pelota con autoridade, mantivo unha disciplinada concentración defensiva e, mesmo, […]
Volvemos devagariño do acto corsario de Teucro e tomamos a última nas Almas Perdidas para enchouparnos na cidade estrépito co testamento do Ghebo. É incrible a potencia incesante dos chaíñas e os ghichiños desta abella da ribeira!
Hoxe almorzamos con esta boa noticia para a dotación das bibliotecas escolares dos centros de secundaria.
Quen dixo que non se move nada na promoción da literatura galega? Unha marabilla de páxina. Non deixedes de visitar trei.
O de torredebabel é o post máis interesante dos que lin hoxe. Descoñecía esta lista de compromisos asumidos e divulgados por compatriotas de todo o mundo (e dos que aquí deberíamos tomar boa nota): 1.Considerarei Galicia como a miña Patria. 2. Proclamarei en público e en privado que son galego/a.3. Considerarei a todos os galegos […]
