Máis sobre as presentacións de "Home sen nome"

Agradecémoslle moito a Fernando Garrido a crónica e o vídeo sobre a presentación diante de trinta bloggers da edición española de Home sen nome (xa está dende onte nas librarías). O acto tivo unha repercusión enorme na blogosfera española, o que supón unha grande orgullo para nós. Entre as moitas crónicas publicadas (ata agora cóntanse dezasete) recomendo visitar algunhas das que me pareceron máis valiosas:

A aparición desta última novela de Suso (a edición catalana de Bromera xa está dispoñible, tamén, cunha portada preciosa) amosa a necesidade de que os editores renovemos as nosas formas de promoción e de procura de visibilidade. Agora, non está de máis, desvelar que a primeira presentación da novela realizámola hai máis dun mes de forma privada e discreta nun xantar de autor con vinte libreiros galegos.

Xa tiñamos a idea de organizar un encontro de blogueiros galegos con Suso (como propón Vieiros) no mes de xuño ou unha conversa en liña, ou ambas as dúas cousas. Algúen se apunta?

3 comentarios
  1. David de Ugarte
    David de Ugarte Dice:

    Acho una idea maravelhosa facer uma presentación en Santiago pra la blogsfera galega. Gostaria muito estar. Seria possivel?

  2. Brétemas
    Brétemas Dice:

    David, parabéns pola vosa iniciativa, quedou moi bonita. Temos que acordar unha data con Suso e procurar un espazo wifi en Compostela. Manterémosche informado. Contaremos contigo. Abrazos.

  3. nes
    nes Dice:

    Rematei hoxe mesmo o libro. Eu acudiría a un encontro de blogueiros con Suso. Sinto que o libro rompeu algo en min… é duro, e gustaríame oír a Suso.

Los comentarios están desactivados.