Enredad@s

Hoxe coñecín o programa definitivo de Enredad@s as Xornadas sobre Mocidade e Internet que organiza en Santiago o Consello da Xuventude de Galicia en colaboración coa Dirección Xeral de Comunicación Audiovisual e as tres universidades galegas. O simpático da cuestión é que coinciden nas mesmas datas e case no mesmo horario co noso Simposio sobre as Bibliotecas. Os organizadores convidáronme a participar, o día 17 de novembro, nunha mesa redonda titulada “Hai un galego na rede”, xunto con María Yáñez, Marcus Fernández, Javier Pedreira (“Wicho”) e José Manuel Lage Tuñas. Nas xornadas haberá debates e conferencias de responsables en España de Google e Microsoft, ademais dun curso de formación (tres días) sobre “Weblogs: o meu espazo na rede. Comunicación e Marketind” impartido por Edan Xestion. Semella que cada día é maior o interese en Galicia pola literacidade electrónica.
Etiquetas: , ,
6 comentarios
  1. ollador
    ollador Dice:

    Sempre as mesmas caras, sempres os mesmos nomes… está ben eso de que as institucións nos paguen as beers and blogs. Sempre é interesante ver os caretos que xa vemos no enblogs ou no xuventude, en todos os eventos. Tamén é interesante atender ós mesmos oradores, poñentes e moderadores. Ai!! que aburrida vai estar ese dia a blogosfera galega sen ter conectada a máis da metade da xente que a compón. snifff

  2. Marcus
    Marcus Dice:

    Ollador, non creo que esteamos sempre os mesmos. De feito, coido que nunca estiven na mesma mesa redonda que Bragado (e xa estiven nunhas cantas).
    O que está claro é que hai xente coma Manolo Gago ou María Yáñez que son referentes, e de non participar faltaría algo. Ademais, o Enred@dos está dirixido a unha mocidade que non está tan involucrada no blogomillo como a moitos lles parece, e seguro que van levar unha sorpresa ó saber o que se coce na blogosfera galega.
    A min paréceme moito máis reiterativo que a case tódolos congresos sobre blogs aparezan persoas coma Enrique Dans, que xa o temos tan visto coma se nunca marchase de Galicia.
    Xa postos, comentarei que prefiro como orador a José Luis Orihuela, que tamén ten bastante relación con esta terra.

Los comentarios están desactivados.