Adianto de Jaureguizar
O xornalista Santiago Jaureguizar ofrece hoxe en El Progreso a primicia da aparición da próxima novela de Manuel Rivas. Un éxito profesional de quen concibe a información cultural en Galicia sen complexos da súa dimensión e con todo o rigor, a curiosidade, independencia e visión de futuro que merece a construción desa fantasía. Periférica, a revista cultural trimestral portuense (témola nos nosos enlaces desde hai tempo), publica no seu número de marzo catro páxinas de adianto de Oeste a novela que Xerais publicará o 15 de xuño, excurso ilustrado cunha magnífica serie fotográfica (“Cousas que levan as mulleres na cabeza”) de Manuel Vilariño. Parabéns para Jaure. Os medios da competencia deberían tomar boa nota deste novo adianto.
Olá!
Obrigado pela ligação ao site da nossa revista. No entanto, uma correcção: a revista portuguesa ‘Periférica’ não é portuense, mas transmontana (de Vilarelho, concelho de Vila Pouca de Aguiar).
Um abraço,
Fernando Gouveia / PERIFÉRICA
Obrigado. A revista é transmontana, sen dúbida. E ben bonita, tamén. Parabéns.