Alborada do Brasil

/en , , , , /por

No artigo da semana recomendo de forma entusiasta Alborada do Brasil, o novo disco do meu admirado Carlos Núñez. Afectivamente síntome moi vencellado a este proxecto que superou as miñas maiores expectativas. Un dos mellores discos de Carlos Núñez. Unha marabilla! (Mágoa que non dera atopado aínda nada na rede para escoitar).

Contando cunha novidade tan importante é todo un paradoxo é que Carlos non actúe en Galicia este verán. Quen quera escoitalo terá que viaxar a León (Mosteiro de Carracedo) o 17 de xullo, ou agardar a súa participación en Lorient (onde Galicia é o país convidado na 39ª edición do Interceltique) o 6 de agosto, onde estará acompañado pola Banda de Gaitas de Fuzileiros Naval do Brasil. Outras citas súas en agosto son as de Plasencia (día 20) e Astorga (o 27). Aos programadores dos concertos das festas de Vigo, Pontevedra, A Coruña, Ourense…, non lles interesa contar co noso músico máis internacional? Outros músicos galegos entrarán na programación? En cuestións musicais tampouco apostamos polos valores da canteira? Como se chama esta terrible doenza?

Gracia Santorum localizou o vídeo de promoción do disco, un fragmento do tema «Padaria Electrica da Barra», no que colabora Carlinhos Brown; posiblemente sexa comercial, mais pode dar unha idea equivocada dun disco moi variado e sutil que este tema. Con todo, aí vai para abrir boca:

[kml_flashembed movie="http://www.youtube.com/v/iyCoOecTTg0" width="425" height="350" wmode="transparent" /]

Tamén é interesante estoutra gravación en directo, de 2008, dun dos temas máis bonitos do disco, «Feira de Mangaio»:

[kml_flashembed movie="http://www.youtube.com/v/eMyi7VjmhFs" width="425" height="350" wmode="transparent" /]
4 comentarios
  3. A.C
    A.C Dice:

    Pois a ver si e tan bo como vostede di, haberá k escoitalo.Ultimamente, tanto Carlos Nuñez, como Seivane, Mercedes Peon, en xeral a musica galega “moderna” deixaban moito k desexar. Escoitas sempre o mesmo. As veces vendo na TVG ese programa de recuperacion da nosa musica tocada e cantada por a xente do povo, kedabame pasmado por o ben k o facian.Uhnos vellos gaiteiros tocando a gaita fan mais festa, e fan mellor e mais enxebre musica k estos novos musicos k pretenden inventar non sei o k. So oir aturuxar a un dakeles musicos antigos, pon a pel de galiña.

Los comentarios están desactivados.