"Anxel Casal,un editor para un país"
O pasado día do libro presentouse Ánxel Casal, un editor para un país (Catálogos de Lar e Nós), un magnífico volume, coordinado por Alfonso Mato e coeditado polo Seminario de Estudos Galegos e o Consello da Cultura Galega. A edición desta obra supón, tras o traballo de Ernesto Vázquez Souza, un paso definitivo para fixar a historia da edición en galego no primeiro terzo do século XX, xa que se compila e cataloga todo o fondo bibliográfico editado por Ánxel Casal en Lar (xunto a Leandro Carré Alvarellos) coma logo en Nós, xa en solitario, onde se recollen todos os nosos clásicos da xeración das Irmandades da Fala e do Seminario de Estudos Galegos. Ademais, a publicación desta obra ten particular importancia para a difusión do fondo bibliográfico histórico en galego (o que constitúe un formidable recurso didáctico para o ensino da literatura galega do século XX), xa que tamén se pode descargar na rede, incluíndo a reprodución da totalidade das cubertas dos libros publicados polo editor mártir. Tras o éxito rotundo da celebración do ano dedicado a Xosé María Álvarez Blázquez, a edición do catálogo de Casal volve poñer sobre a mesa a necesidade de dedicarlle unha homenaxe semellante ao editor que “fixo máis que todos nós”. Beizóns a Alfonso Mato e ao seu equipo de colaboradores por tan formidable achega.
Permita-me meu senhor que questione um bocadinho o seu post.
Equipa? recurso? importância?
Isso fizemos Mato e 3 amigos de Mato. Em horas livres, sem recursos, sem tempo e sem apoios.
E o resultado é isso. Está bem? pois logo o sistema está mui mal.
Chega 12 anos tarde do momento que poderia ser feito. 5 anos depois dos textos e o material ser reunido. Sem índices e com uma qualidade gráfica que, francamente…
Capas? e as ilustrações dos livros que também deveriam ter ido?
Há 10 anos, quando havia que ter feito talvez tivera sentido.
Além, digitalizar e disponibilizar, não apenas o editado por Nós quanto o total do editado em Galego de 1800 a 1936 não seria mui custoso.
Estou certo que sairia por bem menos do que em Mojitos pagou a Conselharia de Cultura na Havana.
O Conselho da Cultura galega tem uma secção de Literatura e industrias da edição que nisto não teve a ver nada. Talvez podiam pensar em fechá-la.
A edição desse catálogo volve pôr sobre a mesa duas cousas: a demolição do Novo SEG com a preseguição ao IGI; que na Galiza nenhuma instituição faz nada e que gente trabalhando, da que cobra por isso, há bem pouca.
Parabéns, a Mato e aos outros autores que lá trabalharam. Eu não lhos quero.
Saudações,
Ernesto Vázquez Souza