Maniático das libretas

Afortunado vostede, eu teño un tendón desviado (accidente infantil de bibicleta) que me imposibilita para escribir a mao durante demasiado tempo ou dende determinados ángulos. Irónico, verdade? Unha libreta é unha tortura chinesa para min, claro que pior era coller apuntamentos nas clases. A miña primeira computadora foi toda unha conquista social.

De todos xeitos si que levo a de Xerais nas viaxes curtas, aínda que a estas alturas do ano está case toda baleira. Por certo que tardei tempo en decatarme do xenial do deseño, exactamente até que comprobei nun acuario que as medusas levan realmente ese logotipo.

Menos mal que este ano se van estirar e nos van agasallar unha PDA a tod@s. 😉

Eduardo Galeano leva unhas libretas mínimas. Pero certamente mínimas, dúas non chegan a ocupar a súa man.