Libros electrónicos, algunhas novidades

Hoxe coñecimos dúas noticias sobre dispositivos electrónicos portátiles de lectura, o novo modelo de sony e o novo kindle de Amazon. O Sony PRS-700 é un e-book que presenta a pantalla táctil como novidade máis importante sobre o modelo anterior, o coñecido como Sony reader. Pola súa banda, Amazon presentará o luns en Nova York o Kindle 2 que, polas fotos filtradas, parece moi semellante ao modelo anterior e manterá o seu carácter pechado. No entanto e a pesar destas novidades de dispositivos específicos de lectura baseados en tinta electrónica, o futuro da lectura en pantallas pode estar en dispositivos non especializados (pedeás, ultraportátiles, iphones e outros teléfonos ou as consolas portátiles domo a PSP ou a Nintendo) asociados á posibilidade que proporciona Google Book Search. Cada vez parece máis claro o futuro da lectura sobre pantallas portátiles, porén non se albisca, aínda, cál pode ser o soporte que se impoña no mercado.

2 comentarios
  1. Brétemas
    Brétemas Dice:

    Claro, todo ha chegar. Xerais ten unha parte do seu fondo xa dixitalizada. Ese non é problema. Se somos serios, sobre esta cuestión no mercado español, hai máis fume promocional que proxectos sólidos de edición electrónica e distribución como os de Amazon ou Numilog. Non teño medo ningún que axiña existirán libros electrónicos en galego para dispositivos portátiles.

Los comentarios están desactivados.