Eventos – Páxina 36

Cultur.gal, xoves 10

9 de Maio de 2007/en Cultura, Eventos, Internet/por bretemas

Entre as actividades de mañá xoves en Cultur.gal destaca a celebración, a partir das 17,30 horas da xornada “I+C. Oportunidades e desafíos para a cultura galega en Internet” que analizará o momento actual da web e pretende axudar aos creadores e profesionais do mundo da cultura a detectar oportunidades de difusión e de creación nun momento decisivo para a expansión da cultura e da lingua galegas en Internet. A iniciativa é froito da colaboración entre o Consello da Cultura Galega, a través do seu portal culturagalega.org, o programa “+Internet + Galego +Futuro” da Dirección Xeral de Promoción Industrial e da Sociedade da Información da Consellería de Innovación e Industria e a Dirección Xeral de Creación e Difusión Cultural da Consellaría de Cultura e Deporte.

Outras actividades:

Inauguración de Quico Cadaval (12:00).
Emisións da Radio Galega (15:00-17:00): “Diario cultural” e “Aberto por reformas”.
Presenza de escritores: Suso de Toro, Fina Casalderrey, María Reimóndez e Miguel Anxo Murado.
Presentación da exposición “Palabras contadas” de Camilo Franco.
Presentación de Misturados, disco en directo de Cristina Pato + Mutenrohi (Zouma Records).
Documentais: How soon is now?, de Alfonso de la Puente e Soños dende o abismo, de Sandra Sánchez Cachaza.
Longametraxes: De profundis, de Miguelanxo Prado e O bosque de levas, de Antón Dobao, adaptación da novela homónima de Alfonso Álvarez Cáccamo.
Espectáculo (21:00): Pezas escénicas de Mofa e Befa.

Etiquetas: Culturgal

Cultur.gal, a instalación

8 de Maio de 2007/en Cultura, Eventos/por bretemas

Promete o primeiro Cultur.gal. Estivemos boa parte do día traballando nas instalacións do Pazo da Cultura de Pontevedra que eran un bulebule de xente ultimando os preparativos dos stands e da instalación das exposicións. Xa non hai dúbida que tanto polo número de expositores (énchese todo o espazo dispoñible dunha nave enorme), como polo completísimo e diverso programa de actividades paralelas para todas as idades e intereses, como pola calidade no arranxo dos espazos que este é o máis importante evento expositivo da historia da edición galega moderna. Sen dúbida que haberá moitas cousas que mellorar, mais este primeiro Cultur.gal vai supoñer un punto sen retorno para a visibilidade e autoestima do noso sector cultural. Convido a achegarse a Pontevedra (hai un magnífico programa para nenas e nenos) esta fin de semana. Penso que vai pagar a pena.

Etiquetas: Cultur.gal

"Os libros arden mal", premio AELG

6 de Maio de 2007/en Autores, Eventos, Premios/por bretemas

Os libros arden mal recibiu onte o seu sétimo premio, o da AELG.
A velada de entrega destes premios, concedidos polos escritores aos seus colegas, resultou moi entrañable e moi ben levada, con enorme elegancia e moito ritmo, por Cesáreo Sánchez Iglesias e Mercedes Queixas. Beizóns para eles dous e o seu equipo.
Especialmente emocionante foron as palabras de Pepetela, que recibiu o “premio de escritor galego”. Ao remate da noite soubemos dunha noticia extraordinaria que, agardo, poidamos anunciar nos próximos días.

Etiquetas: AELG

Cultur.gal, o anuncio

3 de Maio de 2007/en Eventos, Vídeos/por bretemas

De Sant Jordi ao 17 de maio

29 de Abril de 2007/en 17_de_maio, Artigos, Artigos Faro de Vigo, Efemérides, Eventos/por bretemas

No artigo da semana fago unha crónica da experiencia do Sant Jordi 2007 e pretendo sacar algunhas experiencias que se poderían aproveitar para as nosas Feiras do Libro, Culturgal e 17 de maio.

Etiquetas: Artigos

Apoia Cultur.gal

25 de Abril de 2007/en Eventos, Promoción do libro/por bretemas

Podes axudar a difusión de Culturgal, a Feira do Libro e da Industria Cultural, na rede colocando na túa web o blog un bánner de apoio á nosa iniciativa.

Etiquetas: Culturgal

Sant Jordi 2007

24 de Abril de 2007/en Efemérides, Eventos, Imaxes, Promoción do libro/por bretemas

Algunhas imaxes do Sant Jordi 2007. A Libraría Sargadelos puxo con éxito á venda os libros galegos. Teresa Moure (compartindo mesa con Vila-Matas) e Manuel Rivas asinaron exemplares das súas obras máis recentes (sobre todo en catalán). Unha mobilización lectora e da lingua catalana impresionante Unha festa de auténtica primavera para o libro.

Etiquetas: Sant_Jordi_2007

Cultur.gal, avance do programa

14 de Abril de 2007/en Eventos/por bretemas

Fran anuncia o programa de actividades de Culturgal. Ten unha pinta moi atractiva. Culturgal é unha cita para o libro e o disco galego que debe supoñer un punto de inflexión no xeito de visibilizarse e gañar novo público.