MSM 2006

/en /por
Pasmo derreado diante da televisión e recibo unha chea de mensaxes de San Silvestre. Haiche de todos os tipos:
  • Sintéticas: “Feliz 2006”, “Os mellores desexos para 2006”.
  • Afrancesada: “Feli ciano e próspero Merimé”.
  • Vizosa: “Que o 2006 encha as tullas para desafiar os novos tempos. Saúde para ti e os teus”.
  • Anticapitalista: “Feliz 2006 e que o capitalismo vos sexa leve”.
  • Agarimosa: “O ano vello leva o q fmos, no aninovo vence o q agora somos. Q no 2006 se che cumpran todos os soños, os posibles e os imposibles. Muaks”.
  • Musical: “Que os fados te acompañen no 2006. Saúde e que cante o merlo”.
  • Optimista: Que rematen xa as malas noticias: que por fin comece o 2006″.
  • Interesada: “Que o 2006 nos traia moitas subvencións”.
  • Cultural. “Acenderemos unha estrela en cada constelación (Manoel Antonio). Por un ano de boas novas para a memoria, a cultura, a igualdade e Galiza”.
  • Poética: “Que esta noite, como tódalas noites, volva prende-lo lume dos nosos soños. Ise país de seu: liberdade, amor e poesía. A beleza…”
  • Preciosa: “Migas de pan, esféricas, preciosas”.
  • Cinéfila: “Woody Allen di: ‘gústame o futuro porque é o lugar onde vou pasar o resto da miña vida’. Pois iso. O dito. Feliz 2006. Que os blues nos sexan propicios”.
  • Amigable: “Que o novo ano traia os mellores capítulos do libro da nosa amizade”.
  • Humana: “La felicidad sólo es seguro que aumenta o disminuye de acuerdo con el número y la calidad de las relaciones humanas. Feliz año”.
AGARDO QUE O NOVO ANO VEÑA PREÑADO PARA TODOS DE SAÚDE, ALEGRÍA, AMOR E DUNHA MOREA DE LIBROS LIBRES PARA GOZALO.
QUE A ESTRELA DOS AFECTOS SEXA A QUE NOS GUÍE
7 comentarios
  3. Lantana
    Lantana Dice:

    Desexo o mesmo para ti, Brétemas 🙂

    P.D: o post recordoume a cando Cyrano de Bergerac ponse a versificar sobre o seu nariz, ¿lémbraste?

  4. Colineta
    Colineta Dice:

    Faltouche a que chega de Madrid: “felisa me muero”.

    Que 2006 nos traia moito de todo o bo e de felicidade o dobre. Colineta.

  6. juan l. blanco valdés
    juan l. blanco valdés Dice:

    Dúas máis:

    -Año nuevo, año nuevo… onde se poña un bo cabrito…
    -Que o ano novo veña cargado de ssss: sorte, saúde, sorrisos, sentolos, sijalas… e, sobre todo, SEXO.

Los comentarios están desactivados.