Onte 939: Respectar a nosa elección
Dentro da magnífica campaña «Como cho digo», publicouse onte unha peza na que expreso a miña convicción de que os medios de comunicación deben respectar a opción daquelas persoas que declaramos en galego. O feito da transcrición das nosas palabras na lingua na que foron expresadas, ademais de respectar o noso dereito a utilizar o galego, debería supoñer unha maior fidelidade informativa.
Canta razón! Eu quedei abraiado o 30 de marzo (domingo) cando no Faro saiu unha entrevista con varias persoas sobre a celebración da fin da guerra no 39 en Vigo e as entrevistas de Ferrín e de Alonso Montero saíron trascritas en castelán! E non me cabe dúbida de que eles darían as súas respostas en galego.