Poesía – Páxina 10

Poema de hoxe 192: «O son esquecido» de Eduardo Moreiras

Toda Galicia déitase soñando.
Xa nada val ninguén.
Roula, terra miña, cabo do mundo,
tola de luz diviña
polo ceo.

Eduardo Moreiras, (Galaxia, 1974)

Poema de hoxe 191: “Da orixe II” de Xabier Paz

Porque o mundo naceu inacabado
vimos indo.

Xabier Paz, Materia de Lucrecio (Xerais, 2006)

Poema de hoxe 190: “Poemas birollos para ler cos ollos” de Fran Alonso

A lúa lambe
o lenzo liso
do ceo
cada
noite

Poema de hoxe 189: «Alba de gloria» de Castelao

Que a fogueira do esprito siga quentando as vosas vidas e que a fogueira do lume nunca deixe de quentar os vosos fogares.

Castelao, Alba de Gloria (25 de xullo de 1948)

Poema de hoxe 188: «Cóbrega» de Marcos Abalde Covelo

Talvez a utopía
sexa o abraio
de ver medrar
o trigo na proclama

Poema de hoxe 187: “A partida” de Xavier Rodríguez Baixeras

Parto, canso,
na borra do solpor, beira dun mar
que está calmo de máis e desangrado
por espiñas de peixes abafados

Xavier Rodríguez Baixeras, A gándara da noite (Xerais, 1987)

Poema de hoxe 186: “Cometa” de Xosé María Álvarez Blázquez

Botar unha cometa
era guindar os soños
todos pola fiestra.

Poema de hoxe 185: «Chove» de Álvaro Cunqueiro (1958)

Se tódolos poetas
do mundo nos esquecéramos
da chuvia, quizabes
deixase de chover. O
mesmo pasaría coa guerra.
Quizabes.

Álvaro Cunqueiro, Outros poemas (Galaxia 2011)

Poema de hoxe 184: «Os oficios de Bran» de Álvaro Cunqueiro

Deixaban o país onde anoitece
polo país onde amence.

Álvaro Cunqueiro, Herba de aquí e acolá (1980)

Poema de hoxe 183: «Cantiga nova que se chama riveira» de Álvaro Cunqueiro

Toda a casa estaba chea
de espellos para soñar,
ai amante!

Álvaro Cunqueiro, Cantiga nova que se chama Riveira (1933)