As razóns das crises
Outra entrevista para visitar, desta volta co editor alemán Volker Neumann, ex-director da Feira do libro de Francfort. Coincide nunha tendencia que vimos identificando noutros grandes editores internacionais: criticar a saturación da oferta editorial actual (“a máis libros non hai máis éxitos”), ao tempo que en confiar na pervivencia do libro como ben cultural (el fala dos vindeiros cen anos) debido ao seu papel “como mediador entre culturas e, sobre todo, na súa función de formación e trnasmisión de coñecementos reais”. Paréceme interesante para o debate a sutileza coa que fala dos novos soportes:
Internet e os novos medios están adquirindo un papel básico na información, pero moito máis pola súa rapidez ca pola calidade da información.
Non comparto o empregar o termo “saturación”. Más que de saturación quizais debamos falar de “diversificación”: onde antes solo podían chegar 1000 obras, agora, cos novos medios telemáticos, chegan 100000. É dicir, cada vez o lector marca máis as tendencias frnte os editores, librerías, etc… Si eso se traduce en que no canto de vender 100.000 exemplares de 3 obras, véndense 10.000 de 30 obras (por inventar algunhas cifras), pois bueno… é o lector o que está escollendo. ¿non é en último término a calidade iso: darlle ao cliente (lector) o que él quere?
Quizais é que a industria do libro ten que pensar en cambia-lo chip e buscar un novo modelo de negocio no canto de defender con nostalxia ao libro de papel….claro que iso suporá a morte dalgún que outro intermediario…. a evolución, como a naturaleza, non ten compaixón 🙂
Por suposto, todo isto é a opinión dun profano no tema….. 😉