Máis sobre o préstamo
Nos últimos días preferín non abondar en noticias e reflexións sobre a implantación da modalidade de préstamo. Mañá, editores e a directiva da Federación de libreiros teremos unha reunión conxunta de traballo e, logo, pola tarde participaremos na primeira reunión do Grupo de Traballo convocado pola Consellaría de Industria. Os editores non temos, ata o momento, noticia da nosa solicitude de entrevista co presidente da Xunta, nin fomos convocados a reunión ningunha cos responsables da Consellaría de Educación. Velaí outras informacións moi recentes que axudan a comprender o estado da cuestión:
- “Educación prevé dotar de persoal aos colexios para xestionar os libros“.
- “Educación estuda a posibilidade de cambiar os libros de 5º de E.P. antes de catro anos“.
- ” A Mesa pola Normalización Lingüística denuncia que se paguen textos que non respectan a normativa vixente”.
- “Non publicada aínda a Orde que regula a ampliación da medida“
