Marful

/en , /por
Este disco, que escoitei por vez primeira hoxe, é unha auténtica marabilla. Outro grande chimpo para a música de noso. Vai mercalo. Se non te chega este mundo, faite astronauta!


6 comentarios
  1. folerpa
    folerpa Dice:

    O lamentábel é que semellente marabilla, un dos mellores discos da música galega en moitos anos polos seu risco, concepto e como non por esa voz, teña unha distribución tan miserábel que de seguro lle vai impedir chegar onde merece.

  3. miriño
    miriño Dice:

    Eu penso que a mellor opción é mercarllo a eles directamente.

    A min tamén me gusta moito este disco. Está feito por grandes músicos. Aínda que…

  4. SurOeste
    SurOeste Dice:

    Vostede desculpe, señor Brétemas, pero ese pronome “te” ( se non te chega este mundo….)fere a miña sensibilidade. Por outro lado, aproveito a ocasión para dicirlle que nos textos de Xerais apréciase unha considerable confusión entre o uso de “che” e “te” (estou pensando por exemplo na tradución galega de O fillo do acordeonista ou na de A república dos sonos). De verdade, se ten dificultades para atopar un corrector lingüístico que teña clara a distinción, aquí me ten a min.

    E non sei como dicir isto sen que soe descortés (non é a miña intención)pero penso que unha editorial da importancia de Xerais debería de coidar estes detalles antes de que saia un libro.

  6. Brétemas
    Brétemas Dice:

    Indubidablemente é un erro. Si, “se non che chega este mundo…”. Agradécense sempre as correccións e as opinións dos lectores.

Los comentarios están desactivados.