7 comentarios
  1. Colectivo Galiza-Israel
    Colectivo Galiza-Israel Dice:

    De verdade cres que o soldado está apuntando ao cativo? Non digo que estea trucada nin moito menos, digo só que unha foto, un fotograma tirado fóra do contexto pode deparar moitas sorpresas. Non son inxenuuo e non nego que nunha situación de conflito haxa brutalidades, mais que o soldado pose para o fotógrafo é un chisco rebuscado.

  2. xosé da casanova
    xosé da casanova Dice:

    Noticias de Xornal:

    Un neno, un neno abatido polos disparos do exército israelita un neno morto cun tiro
    no ollo esquerdo un neno morto cando saía da súa casa morto cando saía da súa casa
    un neno morto cando cazaba paxaros con liga un neno morto cando cazaba paxaros
    un neno morto cando viña da escola co seu pai contra un muro, cun tiro no bandullo
    mentres o seu pai o tapaba coas mans co corpo, coa mochila ao lombo, viña da escola
    un neno morto por disparos do exército israelita cando saía da súa casa para xogar
    unha nena ai enterrada baixo os escombros da casa derruída pola bomba do avión
    un neno desangrado porque esa ambulancia non pode atravesar a liña de control
    un neno asasinado cunha pedra na man, non tiña sequera tirafonda, asasinado
    un neno esmagado baixo o carro blindado a pel pegada no asfalto, un neno
    un neno morto a tiros ah cando saía da casa para cazar paxaros con liga
    morto cando viña da escola, coa mochila ao lombo e merendando pan
    morto mentres seu pai berraba e o tapaba co seu corpo dos disparos
    un neno morto con tódolos seus seis irmáns baixo os cascotes, un
    era un neno, era un neno, era un neno, era un neno, era un neno
    unha nena neniña que cantaba anainas e brincaba á raiola
    unha nena mociña que levaba das mans as súas irmás
    unha nena de ollos negros e azuis, ollos como ceos
    esa nena que saía da escola, que ría, que soñaba
    esa nena mordida pola morte, as tempas rotas
    esa nena, ese neno, esa nena, ese neno, esa
    un neno abatido polas armas americanas
    un neno abatido polos soldados, era
    era un neno e está morto, morto
    un neno abatido cando saía da
    súa casa para cazar paxaros
    con liga, un neno morto,
    era só un neno neno
    esa nena, ese neno
    era o teu neno,
    era túa nena
    un neno
    neno
    meu
    teu

  3. xosé da casanova
    xosé da casanova Dice:

    A realidade é que de das numerosísimas vítimas civís do exército israelí, unha terceira parte son nenos. Iso é a realidade. A realidade pode deparar moitas sorpresas. O soldado non posa para o fotógrafo: fai algo cotián. Si, es inxenuo.

  4. Manel Vázquez
    Manel Vázquez Dice:

    na miña parroquia morreu unha nena. os veciños non regalamos bágoas, non, sofrimos por nós,pola morte da nosa historia.

  5. Xosé M. González
    Xosé M. González Dice:

    Esa foto, probablemente, non ha de aparecer en Galiza-Israel agora nin máis tarde; e non deixa de ser comprensible. Empeza a ser dificilmente encaixable, pola contra, que outros pagos tendan a eludir a crítica á política israelí, ou imaxes que poidan suxerila.

    Os últimos eventos de Gaza deron e dan, verbi gratia, para pouca diatriba. En que radicará tal falta de atractivo? Pregunto con máis cansazo ca interese; pero é ben mirar a foto. Grazas, logo, Bragado.

  6. Carlos
    Carlos Dice:

    O poder da imaxe é tremendo. Esta foto un chisco rara demóstrao. Un pode ser solidario con quen así o considere pero deixarse manipular non é o camiño da verdade. Digo eu. E a foto é claramente rara.

  7. xosé da casanova
    xosé da casanova Dice:

    Máis poder que a imaxe ten a palabra. Como tal, algúns utilízana para negar a evidencia. Deixarse manipular é malo. Manipular é peor.

Los comentarios están desactivados.