O día 3 nace Diagonal

Anúnciase a aparición de Diagonal, un novo periódico quincenal de actualidade crítica achegado aos movementos sociais. Ata agora non tiñamos noticia ningunha desta publicación nacida en Madrid como refundación do mensual Molotov. Prometen abordar as noticias que non toca a prensa convencional, sinalando como os seus referentes a medios como Le Monde Diplomatique, Il Manifesto. Custará dous euros, non terá director e a primeira portada, a deste vindeiro xoves, terá relación cos ex-ministros do Partido Popular. Poderemos atopalo en Galicia? É viable un modelo xornalístico do tipo proposto?