Evidencialismo

Hai unha frase de Cid Cabido que se converteu na miña oración cada mañá ao despertar. Non lembro as palabras exactas, pero a idea (que é o que conta) é máis ou menos así “non sei qué quero facer. O que si sei é que non quero matarme a traballar para que outros vivan vidas plenas”.
Dicía Hegel que ler o xornal era a oración matutina do racionalista. A de Cabido é a oración matutina do cabrón insubmiso que non está disposto a tragar con máis merda (con perdón, pero o exabrupto as veces ven moi ben para subliñar un concepto).